Loading...

Cash n Guns

انت تدفع: 15 KD

اطلب الآن! وسوف يتم توصيل الطلب اليوم من 4PM - 11PM

4 إلى 8 لاعبين
30 دقيقة

الهدف من اللعبه انك تكون اكثر واحد مجمع فلوس من البوقه .. بس لازم تدير بالك ما تحصلك ثلاث طلقات وتطلع بره اللعب اللعبه تنلعب 8 جولات. بعد ما تتوزع الثمان كروت طلقات على كل لاعب.. خمسه منهم "كليك" تهويش و ثلاثه "بانق" يجرح. بكل جوله تنفرش ثمان كروت من كروت الكنز بالنص و كرت طاولة "الدون" تبدي الجولة بكل شخص يختار كرت طلقه ويحطه جدامه مقلوب. الدون "اللي كان ماخذ كرت الطاوله الجوله اللي طافت او اكبر شخص بالجوله الاولى" يبدي يعد لي الثلاثه وكل واحد ينيشن بسلاحه على لاعب. الدون له الحق ان يغير لاعب من اللي مأشرين عليه ، وميزته الثانيه ان اول واحد ياخذ كرت كنز. الحين عاد حزة التفليم .. كل واحد يقنع الثاني ان الطلقه اللي مختارها تجرح .. مو تهويش! او العكس .. يطمنه ويغدر فيه الدون راح يعد لي الثلاثه بعد مره! الحين انت عندك خيارين .. يا تستسلم او تصملها! اذا استسلمت ، ماراح تحصل ولا جرح بهالجولة .. بس هم ماراح تشاركهم بالكنز. اذا صملت ، كفو عليك يالزلم اذا محد طالق عليك "بانق" امورك طيبه وراح تشارك بالكنز! اما اذا محصل عالاقل "بانق" واحد ! راح تحصل جرح وما تشارك بالكنز ! اللي يحصله ثلاث جروح يخسر ويطلع بره اللعب. كروت الكنز مختلفة ولها عدة مميزات .. في منها فلوس وفي منها شغلات ممكن تساعدك نفس كرت الاسعاف يشيل منك جروح او كرت يعطيك طلقات "بانق" زياده والالماسات اللي شفناه بالفيديو. عشان تغير باللعب تقدر ببداية كل لعبة توزع كرت خاصيه اضافيه حق كل لاعب! مثلا واحد مايموت الا بخمس جروح واشياء جذي!