اللعبه خفيفه سريعه وبنفس الوقت مفيده.
تايم لاين اختراعات - تايم لاين اكتشافات - تايم لاين اهتمامات عامه
كروت اللعبه ويهين نفس الشي .. مثلا كرت الطاحونه .. بطن وظهر نفس الصوره .. بس بجهه وحده مكتوب سنة اكتشاف او اختراع الطاحونه .. بالبدايه راح تنزل كرت مكشوفه سنه اكتشافه.
بدورك انت لازم تشوف الويه اللي مو مكتوب عليه السنه .. وتتوقع الطاحونه اخترعوها قبل او بعد الكرت/الكروت الملعوبه؟؟ اذا قبل تحطه عاليسار وتقلبه .. واذا بعد تحطه عاليمين وتقلبه وتشوف السنه.
اذا اجابتك صح راح تخليه بمكانه .. اذا غلط .. راح تقطه وتسحب بداله.
اللي يخلص كروته اول يفوز !
وطبعا كل ما تزيد الكروت الملعبه كل ماتصير اصعب .. لانك لازم تحطه بين كرتين .. مثلا بين كرت اختراع السياره وكرت اختراع السندويشه !! يعني مرات راح تتوهق وكل تتنح وتنصدم ان هالاشيا جذي قديمه.
