لعبة الجريمه - بالعربي والانجليزي- لعبه سريعه عميقه وقوييييه. قصتها ان واحد فيكم قاتل والباجي محققين .. بس في بعد واحد فيكم يكون ادلة جنائيه واهوا الوحيد اللي يعرف القاتل واداة الجريمه و دليل كان بمسرح الجريمه. بس مايصير يتكلم كلش طول اللعبه .. الشي الوحيد اللي يقدر يسويه ان يختار كلمات من جدامه عشان تخلي المحققين يعرفون القاتل واداة الجريمه والدليل. الكلمات اللي يختارها مثلا تكون حالة الجثه شنو : بارده - محترقه - الخ او مكان اكتشاف الجثه: حديقه - نادي - الخ ومن هالاختيارات المحققين راح يحاولون يكتشوف الادوات عشان يصيدون القاتل .. طبعا محد فيهم يعرف الثاني الكل شاك بالكل .. لان ببداية اللعبه الادله الجنائيه راح يوزع كروت الادوار مقلوبه وعقب ما الكل يشوف دوره يخش الكرت و راح يقول : الكل يغمض عينه .. القاتل افتح عينك واختار سلاح الجريمه والدليل من الكروت اللي جدامك .. غمض عينك .. الكل يفتح وتبلش اللعبه. وطبعا جدام كل لاعب راح يكون في 4 كروت اداة جريمه. و 4 كروت دليل موجود بمسرح الجريمه اهما اللي يختار منهم.