المعلومات الأساسية تقدر تجاوب على سؤال واحد فيه 3 اجوبه ب 3 او 6 او 9 ثواني؟ #عرررفت؟ لعبة مناسبه للجمعات العائليه و الأصدقاء، تقدر تلعبها بشكل فردي او جماعي كفريق. اللعبة فيها 150 كرت، اول شي تسحب كرت السؤال تسأله الشخص الي بتتحداه بصوت عالي عقب تضبط عداد الوقت و تبدي بالعد. كل كرت فيه سؤال واحد و انت عليك تجاوب هالسؤال بثلاث اجابات منطقية و بدووون ما تفكر! مثال (3 اماكن ممكن تخش فلوسك فيها او 3 اشياء تسويها بعطله نهايه الاسبوع) عبالك سهله صح؟ اذا جاوبت ال 3 اجوبه صح و قبل لا يخلص الوقت تاخذ الكرت و اذا جاوبت وحده منهم غلط ترد الكرت بالاخير مع مجموعة الكروت الي محد فاز فيها. اول شخص او فريق يجمع اكثر عدد من الكروت اهوا الفايز. إذا بتلعب فردي عشان تفوز لازم تجمع 20 كرت و إذا بتلعب كفريق عشان تفوزون لازم تجمعون 40 كرت التقسيمة تكون كحد اقصى 3 افرقه بس و عدد اللاعبين بكل فريق من 2 الى 3 لاعبين و لازم عدد اللاعبين بالفريقين يكونون متساويين. ‎الأسئلة تتوجه بالترتيب حق اللاعبين الي بالفريق. قبل ما تلعب لازم تحدد مدى صعوبه التحدي بعدد الثواني المختارة و بشرط يكون عدد الثواني ثابت بكل جوله يلعب فيه باجي اللاعبين يعني بختصار الثواني اهي الي تحكم. جهز التايمر بتلفونك و خنشوف شطارتك و سرعة بديهتك. جو اللعبة وايد وناسة و حماسي و ضحك بتسمع اجابات ماراح يتخيلها عقلك. عدد اللاعبين: من 2 والى 10 لاعبين العمر: 10 سنوات و ما فوق